مسئلہ کشمیر اور جمعیت علمائے ہند
محمد یاسین جہازی
1845ئ میں سکھ سلطنت کے زوال اور اندرونی کشمکش کے دوران گلاب سنگھ نے اہم سیاسی کردار ادا کیا اور نومبر 1845ئ میں انگریزوں سے کشمیر کے معاملے میں معاہدہ کیا۔ 9/ مارچ 1846ئ کو انگریزوں اور سکھوں کے درمیان لاہور کا معاہدہ ہوا، جس کے بعد 15/مارچ 1846ئ کو گلاب سنگھ نے برطانوی حکومت سے کشمیر سے متعلق الگ معاہدہ کیا، جو بعد میں بیع نامہ¿ امرتسر کے نام سے معروف ہوا۔ 16/مارچ 1846ئ کو یہ معاہدہ باقاعدہ تحریر ہوا، جس کے تحت گلاب سنگھ نے 75 لاکھ نانک شاہی روپے کے عوض کشمیر اور متعلقہ پہاڑی علاقوں پر حکمرانی حاصل کی اور یوں ڈوگرہ حکومت کا آغاز ہوا۔
1846ئ کے بعد ڈوگرہ حکومت نے کشمیر میں اپنا اقتدار مستحکم کیا۔اس دور میں مسلمانوں کو مذہبی، تعلیمی، سرکاری اور معاشی سطح پر متعدد پابندیوں اور مشکلات کا سامنا رہا، جن میں سرکاری ملازمتوں اور فوج میں محدود مواقع، اظہارِ رائے کی پابندیاں، بھاری محصولات، بیگار اور جنگلات سے متعلق سخت قوانین شامل تھے۔
23/ستمبر 1925ئ کو مہاراجہ ہری سنگھ تخت نشین ہوئے اور فروری 1926ئ میں ان کی تاج پوشی ہوئی۔ اسی موقع پر جمعیت علمائے ہند کے ناظم عمومی مولانا احمد سعید نے 22/اکتوبر 1925ئ کو انھیں مبارک باد کا تار بھیجا اور ریاست میں مسلمانوں کی حالت کی اصلاح کی طرف توجہ دلائی۔
کشمیر میں ڈوگرہ حکومت کے خلاف عوامی مزاحمت کا نمایاں مرحلہ 6/جون 1931ئ کو جموں میں قرآنِ کریم کی توہین اور عید کے خطبے پر پابندی، 26/جون 1931ئ کو عبد القادر کی گرفتاری اور بالخصوص 13/جولائی 1931ئ کو سری نگر میں مسلمانوں پر فائرنگ کے واقعات کے بعد شروع ہوا۔ 13/جولائی 1931ئ کا دن کشمیر کی سیاسی تاریخ میں ایک اہم سنگِ میل بن گیا۔
اس تحریک نے آگے چل کر وسیع صورت اختیار کی۔ 30/اکتوبر 1931ئ کو پنجاب کے مسلمانوں کی طرف سے کشمیر کے مسلمانوں کی حمایت میں رضاکارانہ تحریک کا آغاز ہوا، جس میں 2/اکتوبر 1931ئ تا 9/جنوری 1932ئ کے دوران ہزاروں مسلمانوں کو گرفتار کیا گیا اور متعدد افراد شہید ہوئے۔ تحریک کے دبا¶ کے نتیجے میں 13/نومبر 1931ئ کو مہاراجہ نے گلینسی کمیشن قائم کرنے کا اعلان کیا، جس کا مقصد مذہبی شکایات، تعلیم اور بعض آئینی امور پر غور کرنا تھا۔
جمعیت علمائے ہند نے بھی کشمیر کے حالات پر متعدد مواقع پر آواز اٹھائی۔ 27 تا 29/ اگست 1924ئ کی مجلس منتظمہ میں کشمیر کے ریشم کے کارخانے کے واقعے پر افسوس اور مزدوروں پر تشدد کی مذمت کرتے ہوئے تحقیقات اور شکایات کے ازالے کا مطالبہ کیا گیا۔
کشمیر تحریک، احرار اور جمعیت علمائے ہند کی مصالحتی کوششیں
1931ئ میں کشمیر کی صورتِ حال شدید کشیدہ ہوچکی تھی۔ 21/ستمبر 1931ئ کو شیخ عبداللہ کی گرفتاری اور ریاست میں عام بے چینی کے ساتھ مجلس احرار کے کارکنوں کی گرفتاریاں بھی بڑھتی گئیں، جب کہ پنجاب کی جیلوں میں احرار قیدیوں کے ساتھ سخت اور مشقت آمیز سلوک کی اطلاعات سامنے آئیں۔ ان حالات پر جمعیت علمائے ہند کے صدر مولانا مفتی محمد کفایت اللہ نے 19/نومبر 1931ئ کو پریس بیان جاری کرکے احرار رضاکاروں کے ساتھ جیلوں میں ہونے والے مبینہ غیر انسانی سلوک پر سخت تشویش ظاہر کی اور مسلم ارکانِ کونسل سے جیلوں کا معائنہ کرنے کا مطالبہ کیا۔
5/جنوری 1932ئ کو مفتی محمد کفایت اللہ اور مولانا حافظ احمد سعید نے نواب سکندر حیات خاں سے کشمیر کے مسئلے پر ملاقات کی اور 6/جنوری کو چودھری فضل حق کے ساتھ لاہور کی بورسٹل جیل میں احرار رہنما¶ں سے ملاقات کی۔ اسی دوران جمعیت کی طرف سے حکومتِ کشمیر اور احرار کے درمیان مفاہمت کی کوششیں شروع ہوئیں۔ 23/جنوری 1932ئ کو جامع مسجد دہلی میں مفتی کفایت اللہ کی صدارت میں ایک بڑے جلسے میں کشمیر کے مظالم کے خلاف احتجاج کیا گیا اور مسلمانانِ ہند سے کشمیر کی تحریک کو صبر و استقلال کے ساتھ جاری رکھنے کی اپیل کی گئی۔ 24/ جنوری 1932ئ کو لکھن¶ میں بھی مظالمِ کشمیر کے خلاف قرارداد منظور ہوئی، جب کہ 29 فروری تا 2/ مارچ 1932ئ جمعیت علمائے ہند کی مجلس عاملہ نے کشمیر کے حالات پر غم و غصے کا اظہار کرتے ہوئے احرار کی خدمات کا اعتراف کیا۔
اس سے قبل 30/نومبر 1931ئ کو مظفرآباد کے قادیانی احمد یار نے کشمیر کی تحریکِ سبز پوش کا بیرونی تحریکوں سے لاتعلقی کا اعلان کیا، تاہم اس سے تحریک کی مجموعی رفتار متاثر نہ ہوئی۔ اسی پس منظر میں مہاراجہ کشمیر کی جانب سے 2/دسمبر 1931ئ کو مفتی کفایت اللہ اور مولانا احمد سعید کو ملاقات کی دعوت دی گئی۔ اسی روز دونوں رہنما¶ں نے مہاراجہ سے ملاقات کی اور اسیر احرار رہنما¶ں کو ایک جگہ جمع کرکے ان سے مشاورت کا موقع فراہم کرنے کی تجویز پیش کی، تاکہ باعزت مفاہمت کی راہ نکالی جاسکے۔
6/دسمبر 1931ئ کو وزیر اعظم ہری کشن کول نے اطلاع دی کہ احرار قیدیوں کو ایک جگہ جمع کرنے کے لیے پنجاب حکومت سے گفتگو کی جارہی ہے۔ 7/دسمبر کو مفتی کفایت اللہ نے جواب دیا کہ احرار ورکنگ کمیٹی کے ارکان سے ملاقات اور مشورے کے بغیر کوئی مؤثر تجویز مرتب نہیں ہوسکتی، جب کہ 11/دسمبر کو وزیر اعظم نے قیدیوں کو تحریک ختم کرنے پر آمادہ کرنے کے لیے مفتی صاحب سے خط لکھنے کی درخواست کی۔ 14 اور 16/دسمبر کو مفتی صاحب نے دوبارہ واضح کیا کہ پہلے احرار رہنما¶ں کو یک جا کرکے مشاورت کا موقع دینا ضروری ہے۔
اسی سلسلے میں میاں سر فضل حسین سے بھی رابطہ ہوا۔ تقریباً 10/دسمبر کو ان سے ملاقات کی اطلاع ملی، 12/دسمبر کو وہ لاہور گئے اور 14/دسمبر کو انھوں نے اطلاع دی کہ چودھری افضل حق اور دیگر احرار رہنما¶ں سے گفتگو ہوچکی ہے۔ 17 اور 18/دسمبر کو حکومتِ کشمیر اور مفتی کفایت اللہ کے درمیان تاروں کا تبادلہ ہوا اور 18/دسمبر کو بورسٹل جیل لاہور میں احرار رہنما¶ں سے ملاقات کی اجازت دی گئی۔ مفتی کفایت اللہ اور مولانا احمد سعید 19/دسمبر کو لاہور روانہ ہوئے اور 20/ دسمبر کو وہاں پہنچ گئے۔
22/دسمبر 1931ئ کو بورسٹل جیل لاہور میں مفتی کفایت اللہ، مولانا احمد سعید، چودھری افضل حق اور خواجہ عبدالرحمان غازی نے احرار کے اسیر رہنما¶ں سے طویل ملاقات کی۔ 23/ دسمبر کو مفتی صاحب نے وزیر اعظم کشمیر کو اطلاع دی کہ احرار رہنما مسلمانانِ کشمیر کے لیے انصاف، امن اور ترقی اور ذمہ دار حکومت کے قیام کو ضروری سمجھتے ہیں اور انھی بنیادوں پر مفاہمت کے لیے تیار ہیں۔ 25/دسمبر کو وزیر اعظم ہری کشن کول نے معاملہ پنجاب حکومت کے سپرد ہونے کی بات کہی، جس پر 29/دسمبر کو مفتی صاحب نے وضاحت طلب کی۔ 31/دسمبر کو وزیر اعظم نے نواب سکندر حیات خاں اور سر ہنری کریک کو خط و کتابت کی نقول بھیجنے اور نواب سکندر حیات سے ملاقات کا مشورہ دیا۔
2/جنوری 1932ئ کو نواب سکندر حیات کا جواب ملا کہ وہ 5/جنوری کو ملاقات کرسکتے ہیں۔ 5/جنوری کو مفتی کفایت اللہ اور مولانا احمد سعید نے ان سے ملاقات کی، مگر نواب صاحب نے سرکاری حیثیت سے مذاکرات کرنے سے معذرت کی۔ 6/جنوری کو دونوں رہنما¶ں نے چودھری افضل حق کے ساتھ احرار کے اسیر رہنما¶ں سے دوسری ملاقات کی، جس میں یہ واضح ہوا کہ بنیادی امور طے کیے بغیر مفاہمت کی بات آگے بڑھانا ممکن نہیں۔ مفتی صاحب نے 6/جنوری کو وزیر اعظم کو لکھا کہ ذمہ دار حکومت کے قیام اور حکومتِ کشمیر کی طرف سے کسی بااختیار نمائندے کی تقرری کے بغیر مذاکرات نتیجہ خیز نہیں ہوسکتے۔
9 /جنوری 1932ئ کو وزیر اعظم ہری کشن کول نے جواب دیا کہ چوںکہ احرار قیدی پنجاب حکومت کے زیر انتظام تھے ، اس لیے مذاکرات میں حکومت کشمیر براہِ راست شریک نہیں ہوسکتی؛ تاہم انھوں نے مفتی کفایت اللہ کی کوششوں کا شکریہ ادا کیا۔ 20/جنوری 1932ئ کو مفتی صاحب نے جواب دیتے ہوئے کہا کہ 22/دسمبر 1931ئ سے 5/جنوری 1932ئ تک کی کارروائی کے باوجود مفاہمت کے لیے مؤثر طریقہ پیدا نہیں ہوسکا، اس لیے وہ دہلی واپس جارہے ہیں، تاہم حکومت کشمیر کو جلد از جلد ذمہ دارانہ طریقے سے مسئلہ حل کرنے کی کوشش کرنی چاہیے۔
مجلس احرار کی تحریک کے بعد حاصل ہونے والے نتائج کے طور پر یہ بھی درج ہے کہ کشمیری کاشت کاروں کو زمین پر مالکانہ حقوق حاصل ہوئے، لگان میں بڑی کمی ہوئی، تقریر و تحریر اور جماعت سازی کی اجازت دی گئی، اخبارات اور آزادیِ رائے پر عائد پابندیوں میں نرمی آئی اور آزاد اسمبلی کے وجود کو تسلیم کیا گیا۔
شمیر میں مسلمانوں کے حالات اور جمعیت علمائے ہند کی جدوجہد
ستمبر 1931ئ میں کشمیر کے حالات کی تحقیق کے لیے قائم ہونے والے مڈلٹن کمیشن کی رپورٹ کو جمعیت علمائے ہندنے مسلمانوں کے ساتھ پیش آنے والے مظالم کے سلسلے میں غیر منصفانہ قرار دیا۔ رپورٹ میں حکومتی کارروائیوں کا دفاع کرتے ہوئے مظالم کی شکایات کو بے بنیاد افواہوں سے تعبیر کیا گیا، جس کے خلاف کی مجلس عاملہ نے 29 فروری تا 2 مارچ 1932ئ کے اجلاس میں جمعیت سخت ردِّعمل ظاہر کیا۔
کشمیر کے حالات سے تنگ آکر میرپور کے مسلمانوں کی ایک بڑی تعداد نے ہجرت کرکے پنجاب کا رخ کیا۔ جمعیت علمائے ہند نے اس صورت حال کی تحقیق کے لیے مولانا حفظ الرحمان سیوہارویؒ کی قیادت میں 6/اپریل 1932ئ کو وفد کشمیر روانہ کیا۔ وفد نے جہلم پہنچ کر مہاجرین سے ملاقات اور ان کے حالات کی تحقیق کی اور پچاس سے زائد دیہات سے ہجرت کرنے والے 3617 افراد کا اندراج کیا۔ مہاجرین نے واضح کیا کہ وہ مستقل طور پر وطن چھوڑنا نہیں چاہتے بلکہ عزت و اطمینان کے ساتھ کشمیر واپس جانا چاہتے ہیں؛ ان کے نزدیک اصل ضرورت مالی امداد سے زیادہ ظلم کا خاتمہ، مقدمات کی قانونی پیروی اور باعزت واپسی کی ضمانت تھی۔
جمعیت کے وفد نے حالات کا جائزہ لینے کے بعد مہاجرین کی فوری اور حقیقی خدمت کے لیے ایک ایسی غیر سیاسی جماعت قائم کرنے کی تجویز دی جو ان کی باعزت واپسی، قانونی امداد اور ضرورت مند افراد کی مالی مدد کا انتظام کرے۔ چنانچہ جہلم میں ’’خدامِ خلق‘‘ کمیٹی قائم کی گئی، جس کے صدر شیخ عبد الحمید لاہور، نائب صدر سائر علم الدین جہلم، سکریٹری حسین محمد اور نائب سکریٹری افضل کریم مقرر ہوئے۔ جمعیت نے بیرونی امداد کو بھی منظم اور قابلِ اعتماد ذرائع کے ذریعے پہنچانے کی ضرورت پر زور دیا۔
11/مارچ 1932ئ کو جامع مسجد دہلی میں تقریباً پندرہ ہزار مسلمانوں کا جلسہ منعقد ہوا، جس کی صدارت مولانا مفتی محمد کفایت اللہؒ نے کی۔ انھوں نے کشمیر کے مسئلے میں مصالحت نہ ہونے کی بڑی ذمہ داری حکومت پنجاب کے اربابِ حل و عقد پر عائد کی اور مسلمانوں کو موجودہ حالات میں اپنے آئندہ لائحہ¿ عمل پر غور کی دعوت دی۔
14، 15 اور 16 مارچ 1934ئ کی مجلس عاملہ نے حکومت کشمیر کے جبر و تشدد کی مذمت کرتے ہوئے اسے کشمیری عوام کے جائز مطالبات کو دبانے کی پالیسی قرار دیا اور اس کے خطرناک نتائج سے خبردار کیا۔
4/نومبر 1941ئ کو جمعیت کے صدر مولانا حسین احمد مدنیؒ نے خپلو میں سنی مسلمانوں کے خلاف مبینہ مظالم کے سلسلے میں مہاراجہ کشمیر ہری سنگھ کو تار بھیجا اور ان کی دادرسی کا مطالبہ کیا۔ ناظم جمعیت مولانا عبدالحلیم صدیقی نے بھی بعد ازاں مہاراجہ کو خط ارسال کرکے غیر جانب دارانہ تحقیقات اور فوری کارروائی کی درخواست کی۔
18 تا 20/مارچ 1942ئ کی مجلس عاملہ میں مسلمانانِ کشمیر کی نمائندگی کا مسئلہ زیرِ بحث آیا اور کشمیری نمائندوں کو جمعیت کے عام رکن کی حیثیت دے کر لاہور کے اجلاس میں خصوصی نمائندگی کا حق دینے کا فیصلہ کیا گیا۔ 20 تا 22/مارچ 1942ئ کے تیرھویں اجلاس عام میں کشمیر کے مسلمانوں کے مذہبی و ثقافتی حقوق کے تحفظ کے لیے قرارداد منظور کی گئی، جس میں مذہب کی تبدیلی پر جائداد ضبط کیے جانے ، گائے ذبح کرنے پر سخت سزا¶ں، اردو رسم الخط کی جگہ دیوناگری کے فروغ اور مسلمانوں کے مقابلے میں اسلحہ رکھنے کے امتیازی قوانین جیسے معاملات پر تشویش ظاہر کی گئی اور مہاراجہ سے ان پالیسیوں پر نظرثانی کا مطالبہ کیا گیا۔
23/اپریل 1942ئ کو جمعیت علمائے ہند نے مذکورہ قراردادیں مہاراجہ جموں و کشمیر کو بھی ارسال کیں اور ریاست کی مسلم اکثریت کے مذہبی و سیاسی حقوق کے تحفظ کے لیے ضروری اقدامات کا مطالبہ کیا۔
کشمیر، قازاق مہاجرین اور جمعیت علمائے ہند کا موقف
جمعیت علمائے ہند نے کشمیر کے داخلی حالات کے ساتھ ساتھ وہاں پناہ لینے والے قازاق مہاجرین کے مسئلے کو بھی انسانی بنیادوں پر اہمیت دی۔ مشرقی ترکستان کے قازاقستان علاقے سے ظلم و ستم کے باعث ہجرت کرنے والے ہزاروں قازاق باشندوں کو حکومت کشمیر نے بعض شرائط کے ساتھ ریاست میں داخل ہونے کی اجازت دی، لیکن جمعیت کے تیرھویں اجلاس عام میں منظور کردہ قرارداد کے مطابق ان کے ساتھ کیے گئے وعدے پورے نہ کیے گئے اور انھیں مظفرآباد کے ایک ناموافق علاقے میں محدود کر دیا گیا، جہاں وہ سخت جانی و مالی مشکلات، بھوک اور بیماری کا شکار ہوئے۔ جمعیت نے حکومت سے مطالبہ کیا کہ ان پر عائد پابندیاں ختم کی جائیں، انھیں آزادانہ نقل و حرکت اور معاش کے ذرائع اختیار کرنے کا موقع دیا جائے اور مسلمانوں و دیگر انسان دوست حلقوں سے ان کی امداد کی اپیل کی۔ بعد ازاں 23/اپریل 1942ئ کو مولانا محمد حفظ الرحمانؒ نے مہاراجہ کشمیر کو تار بھیج کر قازاق مہاجرین تک امداد صحیح طور پر پہنچانے اور اس کی نگرانی کا مطالبہ کیا۔
1944ئ میں پنڈت جواہر لال نہرو کی کشمیر میں داخلے کے موقع پر گرفتاری کی خبر پر بھی جمعیت علمائے ہند نے احتجاج کیا۔ مولانا محمد حفظ الرحمانؒ نے حکومت کشمیر کو تار بھیج کر اس اقدام کو نیشنل کانفرنس کی آواز دبانے کی کوشش قرار دیا اور حالات کی نزاکت کو سمجھتے ہوئے سیاسی اختلافات کے حل کے لیے سنجیدہ طرزِ عمل اختیار کرنے پر زور دیا۔
1946ئ میں کشمیر کی سیاسی تحریک مزید شدت اختیار کر گئی۔ شیخ محمد عبداللہ کی قیادت میں نیشنل کانفرنس نے ذمہ دار عوامی حکومت کے قیام کا مطالبہ کیا، جب کہ ریاستی حکومت نے تحریک کو روکنے کے لیے گرفتاریوں اور فوجی اقدامات کا سہارا لیا۔ شیخ عبداللہ اور ان کے متعدد رفقا گرفتار ہوئے اور ان کے خلاف بغاوت کے مقدمات قائم کیے گئے۔ 10/ستمبر 1946ئ کو شیخ عبداللہ کو تعزیرات ہند کی دفعہ24(الف) کے تحت تین الزامات میں سزائیں سنائی گئیں۔ جمعیت علمائے ہند نے ان واقعات پر سخت تشویش ظاہر کی اور مولانا محمد حفظ الرحمانؒ نے اپنے بیان میں کہا کہ سیاسی اختلافات کا جواب تشدد نہیں ہو سکتا۔ انھوں نے نیشنل کانفرنس کے رہنما¶ں کی رہائی اور عوام کے جائز مطالبات تسلیم کرنے کا مطالبہ کیا۔
کشمیری عوام کے اہم مطالبات میں سرکاری ملازمتوں میں مسلمانوں کو آبادی کے تناسب سے نمائندگی، گا¶ کشی پر دس سالہ سزا کے قانون میں ترمیم، اسلام قبول کرنے والوں کو موروثی جائداد سے محروم کرنے کے قانون کا خاتمہ اور ہندو راجپوتوں کو اسلحہ رکھنے کی خصوصی رعایت ختم کرنا شامل تھا۔ جمعیت علمائے ہند کی مجلس عاملہ نے 10 تا 12/جون 1946ئ کے اجلاس میں حکومت کشمیر کی پالیسی پر تشویش ظاہر کرتے ہوئے نیشنل کانفرنس کے جائز مطالبات تسلیم کرنے اور شیخ عبداللہ سمیت تمام گرفتار شدگان کی رہائی کا مطالبہ کیا۔
5/مارچ 1948ئ کو مہاراجہ ہری سنگھ نے فرمان جاری کرکے ایمرجنسی ایڈمنسٹریشن کی جگہ عبوری حکومت قائم کی اور شیخ عبداللہ کو ریاست کا وزیراعظم مقرر کیا۔ جمعیت علمائے ہند کی مرکزی کونسل نے 20 اور 21/مارچ 1948ئ کے اجلاس میں اس عوامی حکومت کے قیام پر مبارک باد دی اور امید ظاہر کی کہ نئی حکومت ریاست کی اقلیتوں کو مساوی شہری آزادی اور مکمل تحفظ فراہم کرے گی۔
جموں و کشمیر کے بھارت سے الحاق کے بعد جمعیت علمائے ہند کے رہنما¶ں نے مسلسل اس الحاق کی حمایت کی۔ 24/ستمبر 1949ئ کو مولانا محمد حفظ الرحمانؒ نے کشمیر کانفرنس کے نام اپنے پیغام میں کشمیر اور ہند یونین کی وابستگی کو تاریخی اہمیت کا حامل قرار دیا۔ 25/جنوری 1951ئ کو انھوں نے یہ موقف ظاہر کیا کہ کشمیر کے بھارت کے ساتھ رہنے میں ہندستانی مسلمانوں کا بھی مفاد وابستہ ہے۔
1951ئ میں اقوام متحدہ میں مسئلہ کشمیر پر نئی قرارداد اور استصوابِ رائے کے سوال پر بحث ہوئی، تو جمعیت علمائے ہند نے 27 تا 29/اپریل 1951ئ کے اپنے سترھویں اجلاس عام میں اقوام متحدہ کے فیصلے کو کشمیری عوام کی آزادیِ رائے اور خواہشات کے خلاف قرار دیا۔ بعد کے برسوں میں بھی جمعیت کے رہنما¶ں نے اسی موقف کو دہرایا۔ 29/نومبر 1953ئ کو مولانا محمد حفظ الرحمانؒ نے ناگپور میں کہا کہ کشمیر بھارت کا حصہ ہے۔ 6/جولائی اور پھر 22/اگست 1955ئ کو مولانا احمد سعیدؒ نے بھی کشمیر کے بھارت کے ساتھ الحاق کی حمایت کرتے ہوئے اسے کشمیری اور ہندستانی مسلمانوں کے مفاد سے وابستہ قرار دیا۔
26/جنوری 1957ئ کو جموں و کشمیر کا نیا آئین نافذ ہوا، تو 27/جنوری کو مولانا محمد حفظ الرحمانؒ نے ریاست کے عوام کو اپنے لیے آئین بنانے کے حق کے استعمال پر مبارک باد دی۔ 4/ جنوری 1958ئ کو انھوں نے کشمیر کے بارے میں بھارت کے موقف کی حمایت کرتے ہوئے کہا کہ ریاست کے عوام اپنے سیاسی فیصلے کی توثیق کر چکے ہیں۔ 19 اور 20/مارچ 1958ئ کو لکھن¶ میں مسلم قانون سازوں کے کنونشن سے خطاب کرتے ہوئے انھوں نے مسئلہ کشمیر کو عالمی طاقتوں کی سیاسی کشمکش سے پیچیدہ ہونے والا معاملہ قرار دیا۔ 13/مئی 1958ئ کو بخشی غلام محمد نے بھی جمعیت کانفرنس سے خطاب کرتے ہوئے کشمیر کے بھارت کے ساتھ رہنے کے موقف کی حمایت کی۔
6/جولائی 1959ئ کو دریائے جہلم میں طغیانی کے باعث سری نگر کے نشیبی علاقوں میں شدید سیلاب آیا، جس سے بڑے پیمانے پر جانی و مالی نقصان ہوا۔ اس موقع پر 22/جولائی 1959ئ کو صدر جمعیت مولانا احمد سعیدؒ اور ناظم عمومی مولانا محمد حفظ الرحمانؒ نے اہلِ خیر سے اپیل کی کہ سیلاب زدگان کی مالی، غذائی اور دیگر ضروریات کے لیے بڑے پیمانے پر امداد کی جائے۔ اپیل میں تقریباً ڈیڑھ سو انسانی جانوں، دس ہزار سے زائد مویشیوں، ہزاروں مکانات اور تقریباً دو لاکھ ایکڑ اراضی کے نقصان کا ذکر کرتے ہوئے عوامی تعاون کو ناگزیر قرار دیا گیا۔
کشمیر کے سیاسی مستقبل کے سلسلے میں یکم جنوری 1963ئ کو مولانا محمد میاںؒ نے وزیر اعظم جواہر لال نہرو کو خط لکھ کر ان کے 22/دسمبر 1962ئ کے ایک اخباری بیان سے پیدا ہونے والی بے چینی کی طرف توجہ دلائی۔ مولانا نے واضح کیا کہ کشمیر کے مسئلے پر غیر واضح، یا متزلزل بیانات سے ہندستانی مسلمانوں میں عدمِ تحفظ پیدا ہوتا ہے اور فرقہ پرست عناصر کو فائدہ پہنچتا ہے۔ اسی دوران جنوری 1963ئ میں امروہہ میں جمعیت اترپردیش کے اجلاس میں بھی اس معاملے پر تشویش ظاہر کی گئی۔ نہرو کے متعلق نقل شدہ انٹرویو میں کشمیر میں رائے شماری کو اس بنیاد پر مؤخر رکھنے کی بات سامنے آئی کہ موجودہ حالات میں وہ مذہبی بنیادوں پر ہوگی۔
9/فروری 1963ئ کو کراچی میں سردار سوارن سنگھ اور ذوالفقار علی بھٹو کے مذاکرات میں کشمیر کے بعض علاقوں کو پاکستان کے حوالے کرنے کی تجویز زیرِ بحث آنے کی اطلاعات سامنے آئیں۔ 21/اپریل 1963ئ کو نہرو نے امریکی صدر جان ایف کینیڈی کو بھی ایسی ایک تجویز کے بارے میں لکھا، جس میں وادی کشمیر کے شمال مغربی حصے کی منتقلی کا ذکر تھا۔ جمعیت علمائے ہند نے اس تجویز کو ہندستان کی علاقائی وحدت کے منافی سمجھتے ہوئے 8 تا 10/جون 1963ئ کے اکیسویں اجلاس عام کی تجویز نمبر 5 میں اس کی سخت مخالفت کی اور کشمیر کو ہندستان کا قدرتی جزو قرار دیتے ہوئے جنگ بندی لائن کو تقسیم کی مستقل لائن تسلیم نہ کرنے پر زور دیا۔
اسی موقف کی مزید وضاحت کرتے ہوئے جمعیت کے سکریٹری مولانا اسعد مدنی نے 22/ جون 1963ئ کی پریس کانفرنس میں کہا کہ جمعیت کشمیر کی تقسیم کے خلاف ہے اور قوم پرستی کی راہ ترک نہیں کرے گی۔ بعد ازاں 7 تا 8/مارچ 1964ئ کی مجلس عاملہ نے کشمیر کے بارے میں سلامتی کونسل کی روش کو انصاف کے منافی قرار دیا اور کہا کہ اس سے ہند و پاکستان کے تعلقات میں پیچیدگی اور کشیدگی بڑھ سکتی ہے۔ 16/اپریل 1964ئ کو مولانا مسعود احمد نے کشمیر کے مسئلے کے حل کے لیے دوبارہ غور اور ہندستان و پاکستان کے درمیان مفاہمت و کنفیڈریشن جیسے امکانات پر گفتگو کی، جب کہ 21/اپریل 1964ئ کو قائم مقام ناظم عمومی مولانا محمد سعید نے واضح کیا کہ جمعیت کے طے شدہ موقف کے مطابق کشمیر ہندستان کا حصہ ہے اور اس مسئلے کو قومی یک جہتی اور علاقائی سالمیت کے تناظر میں دیکھا جانا چاہیے۔
1965ئ میں کشمیر میں پاکستان کی مسلح مداخلت کے بعد جمعیت نے اپنے موقف کو مزید واضح کیا۔ 5/اگست 1965ئ سے پاکستانی مسلح افراد کی دراندازی اور یکم ستمبر 1965ئ کو آپریشن گرینڈ سلام کے آغاز کے بعد 11/اگست 1965ئ کے جمعیتی پریس بیان میں حکومت ہند کے اقدامات کو بروقت اور ضروری قرار دیا گیا۔ مولانا اسعد مدنی نے صدر جمہوریہ، وزیر اعظم، وزرائے داخلہ و دفاع اور کشمیر کی قیادت کو پیغامات بھیج کر کہا کہ جمعیت اور ہندستانی مسلمان ملک کی حفاظت اور سالمیت کے لیے حکومت کے ساتھ ہیں۔ 15/ستمبر 1965ئ کو مولانا اسعد مدنی نے صدر ڈاکٹر ایس رادھا کرشنن کو خط میں دوبارہ واضح کیا کہ جمعیت کشمیر کو ہندستان کا اٹوٹ حصہ سمجھتی ہے اور حملہ آور کو نکال کر پورے علاقے کو آزاد کرانے کا مطالبہ کرتی رہی ہے۔
2 تا 3/اکتوبر 1965ئ کی مجلس عاملہ نے پاکستان کی کشمیر میں مداخلت اور حملے کی مذمت کرتے ہوئے اسے ملکی سالمیت کے خلاف قرار دیا اور حکومت ہند کی دفاعی کارروائیوں کی حمایت کی۔ اسی تجویز میں کشمیر کے مسلمانوں کو بھی اس لیے خراجِ تحسین پیش کیا گیا کہ جنگ کے نازک موقع پر انھوں نے ہندستان کے ساتھ وفاداری اور حب الوطنی کا مظاہرہ کیا۔ اسی طرح 18 تا 19/ دسمبر 1965ئ کی مجلس منتظمہ نے ’’ملکی دفاع اور مسئلہ کشمیر‘‘ کے عنوان سے اس موقف کا اعادہ کیا اور ہندستانی مسلمانوں کی طرف سے جنگ کے دوران حکومت سے تعاون کو ان کے وطنی فرض کی ادائیگی قرار دیا۔
البتہ جمعیت نے جنگ کے دوران حکومت کی حمایت کے ساتھ شہری حقوق اور حکومتی اقدامات میں احتیاط کی ضرورت پر بھی زور دیا۔ 2 تا 3/اکتوبر 1965ئ کی مجلس عاملہ کی دوسری تجویز میں مشتبہ افراد کی گرفتاری اور نظر بندی کو اصولاً قابلِ فہم قرار دیتے ہوئے اس بات پر افسوس ظاہر کیا گیا کہ بعض محب وطن افراد بھی محض شبہ کی بنیاد پر گرفتار یا نظر بند کر دیے گئے۔ جمعیت نے حکومت سے مطالبہ کیا کہ ایسے افراد کے معاملات پر نظرثانی کی جائے اور جن کے خلاف محض شبہ ہو انہیں رہا کیا جائے ، تاکہ حکومت کو عوام کا اعتماد اور خوش دلی سے تعاون حاصل رہے۔
جمعیت علمائے ہند نے مسئلہ¿ کشمیر کے سلسلے میں قومی یک جہتی، آئینی اصولوں، فرقہ وارانہ ہم آہنگی اور ہند و پاک کے درمیان پرامن تعلقات کو ہمیشہ اہمیت دی۔ 1965ئ کی ہند و پاک جنگ کے دوران وزیر اعظم لال بہادر شاستری کی ایک تقریر میں ہندستانی مسلمانوں کے مستقبل کو مسئلہ¿ کشمیر سے جوڑنے پر مولانا اسعد مدنی، ناظم عمومی جمعیت علمائے ہند نے 4/نومبر 1965ئ کو سخت احتجاج کیا۔ انھوں نے واضح کیا کہ ہندستانی مسلمان کشمیر کو ہندستان کا حصہ قرار دیتے آئے ہیں اور 1947ئ سے ملک کے دفاع میں عملی قربانیاں بھی دیتے رہے ہیں، اس لیے کشمیر کے کسی ممکنہ سیاسی نتیجے کا بوجھ ہندستانی مسلمانوں پر ڈالنا نہ صرف ناانصافی، بلکہ دستور کی سیکولر اور جمہوری روح کے منافی ہے۔
اسی زمانے میں جمعیت نے جنگ کے بجائے مصالحت کی حمایت کی۔ 18 و19/دسمبر 1965ئ کے اجلاسِ مجلس منتظمہ میں ہند و پاکستان کے درمیان صلح کی کوششوں کا خیر مقدم کرتے ہوئے کہا گیا کہ جنگ کسی مسئلے کا مستقل حل نہیں اور باوقار امن دونوں ملکوں کے ساتھ کشمیر کے عوام کے لیے بھی باعثِ رحمت ہوگا۔ چنانچہ 10/جنوری 1966ئ کے اعلانِ تاشقند کو مجلس عاملہ نے 19 و20/فروری 1966ئ کے اجلاس میں خوش آئند قرار دیا اور اسے باہمی مصالحت اور بقائے باہم کی طرف اہم پیش رفت سمجھا۔ بعد ازاں 15 تا17/اپریل 1966ئ کے بائیسویں اجلاس عام میں بھی اعلانِ تاشقند کی تائید کرتے ہوئے دونوں ملکوں سے مطالبہ کیا گیا کہ اختلافات کو طاقت کے بجائے پرامن طریقے سے حل کیا جائے۔
اسی اجلاس میں کشمیر سے متعلق پاکستان کے اس استدلال پر بھی تنقید کی گئی کہ مسلم اکثریت کی بنیاد پر کشمیر پاکستان میں شامل ہونا چاہیے۔ جمعیت کے حلقے نے اسے فرقہ وارانہ اصول قرار دیتے ہوئے سیکولر ریاست کے تصور سے متصادم بتایا۔ فخرالدین علی احمد نے اسی موقع پر 1965ئ کی جنگ کے دوران ہندستانی مسلمانوں کی قربانیوں، خصوصاً عبدالحمید جیسے فوجیوں کی مثال پیش کرکے کہا کہ مسلمانوں نے اپنے عمل سے ملک کے دفاع اور قومی یک جہتی کے ساتھ اپنی وابستگی ثابت کردی ہے۔
30/جنوری 1968ئ کو شیخ محمد عبداللہ کی رہائی کے بعد دفتر مرکزی جمعیت علمائے ہند میں ان کے اعزاز میں ایک استقبالیہ منعقد ہوا۔ جمعیت نے ان کی جدوجہد، سیکولرزم کی حمایت اور ہند و پاکستان کے درمیان دوستی کی کوششوں کا خیر مقدم کیا۔ شیخ عبداللہ نے اپنی جوابی تقریر میں کشمیر کی سیاسی جدوجہد، 1947ئ کے الحاق، بعد کے سیاسی واقعات اور حقِ رائے کے بارے میں اپنا موقف تفصیل سے بیان کیا۔ ان کا کہنا تھا کہ کشمیر کا فیصلہ محض مذہبی اکثریت کی بنیاد پر نہیں ہونا چاہیے اور ہندستانی مسلمانوں کے شہری حقوق کو کشمیر کے سیاسی مستقبل سے وابستہ کرنا درست نہیں۔ انھوں نے ہند و پاکستان کی مسلسل کشیدگی کو دونوں ملکوں کی اقتصادی اور سماجی ترقی کے لیے نقصان دہ قرار دیتے ہوئے باہمی اعتماد اور امن پر زور دیا۔
13/نومبر 1974ئ کو طے پانے والی اندراõشیخ مفاہمت، جس کی بنیاد پر فروری 1975ئ میں شیخ محمد عبداللہ دوبارہ جموں و کشمیر کے وزیر اعلیٰ بنے ، کا 24/فروری 1975ئ کو جمعیت علمائے ہند کے ناظم عمومی مولانا سید احمد ہاشمی نے خیر مقدم کیا۔ اس مفاہمت میں ریاست جموں و کشمیر کے ہندستانی وفاق کے ساتھ تعلق کو دفعہ 370 کے دائرے میں برقرار رکھنے ، ریاستی اختیارات، مرکز و ریاست کے قانون سازی کے تعلق اور آئینی انتظامات سے متعلق مختلف امور طے کیے گئے تھے۔
جمعیت علمائے ہند نے مسئلہ¿ کشمیر کے سلسلے میں ہمیشہ ہندستان کی سالمیت کے ساتھ ساتھ کشمیری عوام کے جمہوری، آئینی اور بنیادی حقوق کی حمایت کی۔ 6 و7/جولائی 1978ئ کو کراچی میں منعقد ہند ایشیائی کانفرنس میں کشمیر سے متعلق ایک تجویز پر ہندستانی وفد کی جانب سے کوئی ردعمل ظاہر نہ کیے جانے کو بنیاد بنا کر آل انڈیا ریڈیو نے جمعیت اور اس کے صدر مولانا اسعد مدنی کے خلاف نامناسب تبصرہ کیا، جس پر 13/جولائی کو ناظم عمومی مولانا سید احمد ہاشمی نے سخت احتجاج کیا اور واضح کیا کہ جمعیت ہمیشہ کشمیر کو ہندستان کا اٹوٹ حصہ قرار دیتی رہی ہے۔ انھوں نے وزیر اطلاعات و نشریات سے ملاقات کرکے آل انڈیا ریڈیو کے تبصرے کی تحقیقات کا مطالبہ بھی کیا۔
14 و15/جنوری 1983ئ کو جمعیت علمائے ہند کی مجلس منتظمہ سے خطاب کرتے ہوئے وزیر اعلیٰ جموں و کشمیر فاروق عبداللہ نے فرقہ پرستی کی مخالفت، ہندو مسلم اتحاد اور قومی یک جہتی پر زور دیتے ہوئے کہا کہ کشمیری ہندستان کے ساتھ جئیں گے اور ہندستان کے ساتھ مریں گے۔ اسی سال 13/اکتوبر کو سری نگر میں ہندستان اور ویسٹ انڈیز کے درمیان کرکٹ میچ کے موقع پر ہندستانی ٹیم کے ساتھ ہونے والی نازیبا حرکت کی جمعیت نے 19/اکتوبر کو مذمت کی اور اسے کشمیر کی بدنامی کا سبب قرار دیا۔
1990ئ میں کشمیر کے حالات انتہائی سنگین ہونے پر جمعیت نے ایک طرف ہندستان سے کشمیر کے الحاق کو مسلمہ اور طے شدہ حقیقت قرار دیا اور دوسری طرف کشمیری عوام پر ظلم، جبر، کرفیو اور سیاسی حقوق کی پامالی کی مخالفت کی۔ مولانا محمد اسرارالحق قاسمی نے فروری 1990ئ میں قرار دیا کہ کشمیر میں پیدا ہونے والی بے چینی کے اسباب کو محض الزام تراشی اور طاقت کے ذریعے ختم نہیں کیا جاسکتا؛ بلکہ کشمیری عوام کے احساسِ محرومی، سیاسی شناخت، جمہوری حقوق اور فرقہ وارانہ حالات کو سمجھ کر ان کا اعتماد بحال کرنا ضروری ہے۔ جمعیت کے نزدیک منصفانہ انتخابات، سیاسی مکالمہ، اقتصادی ترقی اور آئینی دائرے میں داخلی خود اختیاری کے ذریعے حالات کو بہتر کیا جاسکتا تھا۔
مولانا سید اسعد مدنی نے 28/فروری 1990ئ کو واضح کیا کہ کشمیر کا ہندستان سے الحاق ایک طے شدہ حقیقت ہے ، لیکن اس کے نام پر وہاں ہونے والے مظالم کی تائید نہیں کی جاسکتی۔ انھوں نے طاقت کے بجائے جمہوری طریقہ اختیار کرنے ، عوام کے مسائل حل کرنے اور دفعہ 370 کے تحت داخلی خود مختاری کے دائرے کو برقرار رکھنے پر زور دیا۔ 4/مارچ کو جمعیت نے ملک گیر ’’یوم کشمیر‘‘ منانے کی اپیل کی، جو 16/مارچ کو ملک بھر میں منایا گیا۔ اجتماعات میں کشمیری عوام کی جان ومال کے تحفظ، تشدد کے خاتمے ، گورنر جگموہن کی واپسی اور کشمیری سیاسی رہنما¶ں سے مذاکرات کا مطالبہ کیا گیا۔
18/مارچ 1990ئ کی مجلس عاملہ نے بھی کشمیر کے ہندستان سے الحاق کو مسلمہ تاریخی حقیقت قرار دیتے ہوئے وہاں جاری تشدد کی مخالفت کی اور کشمیری عوام کا اعتماد حاصل کرنے ، دفعہ 370 کے تحت داخلی خود مختاری بحال کرنے ، گورنر جگموہن کو واپس بلانے اور سیاسی عمل دوبارہ شروع کرنے کا مطالبہ کیا۔ جمعیت نے یہ موقف بھی اختیار کیا کہ کشمیر کا مسئلہ طاقت اور جبر سے نہیں؛ بلکہ کشمیری عوام کے دل جیتنے ، ان کے جائز مطالبات تسلیم کرنے اور جمہوری و آئینی ذرائع سے حل کیا جاسکتا ہے۔
21/مئی 1990ئ کو میرواعظ مولوی محمد فاروق کے قتل پر جمعیت نے شدید رنج و غم کا اظہار کیا۔ 3/جون کی مجلس منتظمہ نے کشمیر کی بگڑتی ہوئی صورت حال کو ملکی قومی اتحاد اور فرقہ وارانہ یک جہتی کے لیے سنگین چیلنج قرار دیا اور مسئلہ¿ کشمیر کے حل کو ملک میں بڑھتی ہوئی فرقہ پرستی کے خاتمے سے بھی جوڑا۔ اسی اجلاس میں کہا گیا کہ کشمیری عوام کے ساتھ ہمدردانہ اور جمہوری طرزِ عمل اختیار کرکے ان کے دل جیتنے کی کوشش کی جائے ، کیوںکہ جبر اور سیاسی عمل کی معطلی نے ہندستان اور کشمیر کے درمیان اعتماد کو شدید نقصان پہنچایا ہے۔
اسی موقع پر راجیو گاندھی نے بھی فرقہ پرستی کو پورے ہندستان کے لیے خطرہ قرار دیتے ہوئے کہا کہ دہلی سے فرقہ پرستی کا اثر کشمیر تک پہنچنے کے نتیجے میں وہاں کے حالات دھماکہ خیز ہوئے۔
کشمیر میں بڑھتی ہوئی عسکریت پسندی کے پس منظر میں 5/جولائی 1990ئ کو آرمڈ فورسز اسپیشل پاور ایکٹ (AFSPA) نافذ کیا گیا، جسے 10/ستمبر 1990ئ کو باقاعدہ قانون کی حیثیت دی گئی۔ جمعیت علمائے ہند کی مجلس عاملہ کے 13،14/اکتوبر 1990ئ کے اجلاس نے اس قانون کے نفاذ کے بعد عام شہریوں پر مبینہ مظالم، انسانی حقوق کی پامالی، اندھا دھند گرفتاریوں، تلاشیوں، املاک کی تباہی اور معاشی مشکلات پر سخت تشویش کا اظہار کیا اور حکومت سے مطالبہ کیا کہ کشمیری عوام کو دشمن نہیں؛ بلکہ اپنے شہری سمجھ کر ان کے دل جیتنے کی کوشش کی جائے ، نقصانات کا ازالہ کیا جائے اور بات چیت کے لیے سازگار ماحول پیدا کیا جائے۔
2/مارچ 1994ئ کو وزیر خارجہ دنیش سنگھ کے اس بیان کہ کشمیر کو خود مختاری تو دی جاسکتی ہے، لیکن آزادی نہیں، کے سلسلے میں مجلس عاملہ کے 18/مارچ 1994ئ کے اجلاس نے صدر جمعیت مولانا اسعد مدنی کو اس پر احتجاجی بیان جاری کرنے کا ذمہ دار بنایا۔ اسی طرح 11/دسمبر 1994ئ کو تحفظِ شہریت کنونشن میں سابق وزیر خارجہ آئی کے گجرال نے شہریت کو حق قرار دیتے ہوئے یہ سوال اٹھایا کہ یہ کیسے کہا جاسکتا ہے کہ کشمیر ہمارا ہے؛ مگر کشمیری نہیں۔
شہریوں کے جانی و مالی تحفظ اور معاوضے کے حق کے سلسلے میں جمعیت نے 8/مارچ 1999ئ کے مسلم اقلیتی کنونشن میں جموں و کشمیر ہائی کورٹ کے ایک فیصلے کی روشنی میں مطالبہ پیش کیا کہ شہریوں کے تحفظ میں حکومت کی ناکامی کی صورت میں متاثرین کو معاوضہ دیا جانا چاہیے۔ اسی مطالبے کو 13/مئی 2000ئ کو منعقدہ جمعیت کے چھبیسویں اجلاس عام کے خطبہ¿ صدارت میں مولانا اسعد مدنی نے دوبارہ پیش کیا۔
1999ئ کے کارگل واقعہ میں پاکستانی فوجی دراندازی کے بعد 26/مئی 1999ئ کو ہندستان نے ’’آپریشن وجے‘‘ شروع کیا، 3،4/جولائی کو ٹائیگر ہل دوبارہ حاصل کیا گیا، 11/ جولائی کو پاکستانی انخلا شروع ہوا اور 26/جولائی 1999ئ کو فوجی کارروائی کی تکمیل کا اعلان کیا گیا۔ اسی دوران 10/اگست 1999ئ کو پاکستانی بحریہ کا ایک طیارہ رَن آف کچھ میں ہندستانی فضائی حدود میں داخل ہوا اور مار گرایا گیا۔ جمعیت کے 6/جون 1999ئ کے اقلیتی کنونشن نے کارگل، دراس اور بٹالک میں دراندازی کی مذمت کرتے ہوئے پاکستان سے کنٹرول لائن کا احترام کرنے ، دراندازی اور جنگی اقدامات سے باز رہنے اور دونوں ملکوں کے درمیان امن و دوستی کا ماحول پیدا کرنے کا مطالبہ کیا۔ ساتھ ہی حکومت ہند سے سرحدی حفاظت اور خفیہ اطلاعات کے نظام کو مؤثر اور جواب دہ بنانے کا مطالبہ کیا گیا۔ جمعیت نے واضح کیا کہ کشمیر ہندستان کا حصہ ہے ، تاہم کشمیری عوام کے مسائل اور جائز مطالبات آئین و قانون کے دائرے میں منصفانہ طور پر حل کیے جائیں۔
20/مارچ 2000ئ کو چٹی سنگھ پورہ، اننت ناگ میں 35/سکھ شہریوں کے قتل کے واقعے پر 31/مارچ 2000ئ کو جمعیت نے شدید مذمت کرتے ہوئے اسے انسانی المیہ قرار دیا اور مقتولین کے اہل خانہ سے ہمدردی کا اظہار کیا۔ جمعیت نے خبردار کیا کہ اس واقعے کو فرقہ وارانہ رنگ دینا ملک کے امن و اتحاد کے لیے نقصان دہ ہوگا۔ اسی پس منظر میں کشمیر کے حالات کا جائزہ لینے والے جمعیتی وفد کے رکن مولانا محمود مدنی نے 5/جون 2000ئ کو سوپور، برہم پورہ، چٹی سنگھ پورہ اور دیگر علاقوں کے دورے کے بعد بے قصور شہریوں پر مبینہ زیادتیوں اور انسانی حقوق کی خلاف ورزیوں پر تشویش ظاہر کی اور جامع تحقیقات، قتل و تشدد کے خاتمے اور کشمیری عوام کو اعتماد میں لے کر مسئلے کے حل کا مطالبہ کیا۔
کشمیر میں یکم اور 2/اگست 2000ئ کو پہلگام، میر بازار، میر نوگام، پوگل پریستان، کیار اور کپواڑہ سمیت مختلف مقامات پر شہریوں اور امرناتھ یاتریوں کے قتل کے واقعات پیش آئے۔ 4/اگست 2000ئ کو جمعیت نے ان حملوں کی سخت مذمت کرتے ہوئے واضح کیا کہ بے قصور انسانوں کا قتل غیر اسلامی اور غیر انسانی ہے اور اس کا اسلامی جہاد سے کوئی تعلق نہیں۔ 18،24/ اگست 2000ئ کے دوران جمعیت نے ان واقعات کے ردعمل میں انتقامی کارروائیوں کی دھمکیوں کی بھی مخالفت کی۔ اس کے بعد 19/نومبر 2000ئ کو وزیر اعظم اٹل بہاری واجپائی نے رمضان کے دوران جنگ بندی کا اعلان کیا، جس کا عملی آغاز 28/نومبر 2000ئ سے ہوا۔ جمعیت نے 8/دسمبر 2000ئ کو اس اقدام کا خیر مقدم کرتے ہوئے اسے قیامِ امن کی طرف مثبت قدم قرار دیا۔
9/اپریل 2001ئ کو جموں و کشمیر میں فوج کی بحالی سے متعلق ایک ایسے اطلاع نامے پر مولانا اسعد مدنی نے احتجاج کیا، جس میں مسلمانوں اور کاروباری طبقے کو فوج بحالی ریلی میں شرکت سے روکا گیا تھا۔ انھوں نے اسے فرقہ وارانہ تاثر پیدا کرنے والا اقدام قرار دیتے ہوئے حکومت سے اسے واپس لینے اور ذمہ دار افسران کے خلاف کارروائی کا مطالبہ کیا۔یکم اکتوبر 2001ئ کو سری نگر اسمبلی کمپلیکس پر خودکش حملے میں 36/افراد ہلاک اور تقریباً 70/زخمی ہوئے۔ 3/اکتوبر 2001ئ کو جمعیت نے اس دہشت گردانہ کارروائی کی سخت مذمت کرتے ہوئے کہا کہ بے قصوروں کے قتل اور املاک کی تباہی کا شریعت میں کوئی جواز نہیں اور مسئلہ کشمیر کا حل تشدد نہیں؛ بلکہ گفت و شنید ہے۔ 14/اپریل 2002ئ کو فرقہ وارانہ ہم آہنگی کنونشن میں شنکر آچاریہ نے بھی کشمیر کو ہندو مسلم مسئلے کے بجائے سیاسی مسئلہ قرار دے کر مذاکرات کے ذریعے حل کی بات کی۔
7/اکتوبر 2002ئ کو جمعیت کی ملک و ملت بچا¶ تحریک کے دوران قاری شوکت علی نے کہا کہ جس طرح جمعیت نے آزادی سے قبل مسلم فرقہ پرستی کے مقابلے میں تقسیمِ ہند کی مخالفت کی تھی، اسی طرح وہ ہندو فرقہ پرستی کے مقابلے میں تقسیم کشمیر کی مخالفت کررہی ہے۔ مجلس عاملہ کے 27،28/دسمبر 2002ئ کے اجلاس نے بھی واضح کیا کہ کشمیر کو ہندستان کے ساتھ رہنا چاہیے۔
9/مارچ 2003ئ کو جمعیت کے ستائیسویں اجلاس عام میں میر واعظ مولوی عمر فاروق نے کشمیری عوام کی شکایات سنے جانے اور مسئلے کو تشدد کے بجائے مذاکرات سے حل کرنے پر زور دیا۔ اسی اجلاس میں مولانا اسعد مدنی نے مرکزی حکومت کے سامنے پانچ نکات پیش کیے: کشمیری عوام کو اعتماد میں لینا، بے گھر افراد کی واپسی و بازآبادکاری، ریاست کے لیے خصوصی ترقیاتی پیکیج، مسلح تنظیموں کا تشدد ترک کرکے مذاکرات کا راستہ اختیار کرنا، اور پاکستان کی سرحد پار دہشت گردی کا خاتمہ۔
17/جولائی 2003ئ کو جمعیت کی دعوت پر پاکستان سے مولانا فضل الرحمان کی قیادت میں خیرسگالی وفد ہندستان آیا۔ انھوں نے کشمیر کے حل کے لیے باہمی مذاکرات اور شملہ سمجھوتے کو بنیاد بنانے اور عوامی تائید حاصل کرنے پر زور دیا۔ 18/جولائی 2003ئ کو جمعیت کی جانب سے دیے گئے استقبالیے میں بھی مذاکرات، لاہور اعلامیہ اور کشمیری نمائندگی کے ذریعے اعتماد سازی کی ضرورت پر زور دیا گیا۔
8/اکتوبر 2005ئ کو کشمیر میں شدید زلزلے کے بعد جمعیت علمائے ہند نے سیاسی موقف کے ساتھ عملی انسانی خدمت بھی انجام دی۔ کپواڑہ، اوڑی اور کرناہ کے متاثرہ علاقوں میں فوری راحت رسانی شروع کی گئی۔ 13/اکتوبر 2005ئ کو مولانا محمود مدنی نے متاثرہ علاقوں کا دورہ کیا، جب کہ 2/نومبر 2005ئ کو مزید خیمے ، شیٹ، غذائی اشیا اور تعمیراتی سامان پہنچایا گیا۔ جمعیت نے مختلف علاقوں میں امدادی مراکز قائم کیے ، ہزاروں خاندانوں کو غذائی و ضروری سامان فراہم کیا، مکانات اور کمیونٹی مراکز تعمیر کیے ، طبی ٹیمیں اور ایمبولنسیں بھیجیں اور متعدد دیہات میں بازآبادکاری کا کام انجام دیا۔ اس سلسلے میں مجموعی طور پر ڈھائی کروڑ روپے خرچ کیے گئے۔ 14/ نومبر 2005ئ کو زلزلہ متاثرین کی بازآبادکاری میں مصروف جمعیتی رضاکاروں کو حراست میں لیے جانے پر احتجاج کیا گیا۔ مجلس عاملہ کے یکم فروری 2006ئ کے اجلاس میں کشمیر ریلیف و بازآبادکاری کی رپورٹ پیش ہوئی اور جمعیت کی خدمات کو سراہا گیا۔
17/مئی 2006ئ کو مولانا فضل الرحمان نے جمعیت کے استقبالیے میں کشمیر کے حل کے لیے عوامی سطح پر ہندستان و پاکستان کے تعلقات مضبوط بنانے کی ضرورت پر زور دیا،جب کہ 20،21/اگست 2006ئ کی علما کانفرنس میں کشمیریوں کے جائز مطالبات پر توجہ دینے کی بات کہی گئی۔
26/مئی 2008ئ کو امرناتھ شرائن بورڈ کو تقریباً 100 ایکڑ جنگلاتی زمین منتقل کرنے کے فیصلے سے کشمیر میں احتجاج شروع ہوا، جسے یکم جولائی 2008ئ کو واپس لینے کے بعد جموں میں احتجاج اور جولائی و اگست 2008ئ میں شدید کشیدگی پیدا ہوئی۔ جمعیت کے 4/جولائی 2008ئ کے بیان میں فرقہ وارانہ کشیدگی کی مذمت کی گئی۔ اس کے بعد مجلس عاملہ کے 26/ اگست 2008ئ کے اجلاس نے کہاکہ کشمیر کا مسئلہ جغرافیائی حدود کے تناظر میں سیاسی مسئلہ ہے اور اسے مذاکرات کے ذریعے حل کیا جانا چاہیے۔ جمعیت نے آئین کی دفعہ 370 کے تناظر میں ریاست کی جغرافیائی و سیاسی حیثیت میں تبدیلی اور تقسیم کی مخالفت، امن کو اولین ترجیح، امرناتھ یاترا سے متعلق تنازع اور دیگر شکایات کو مذاکرات سے حل کرنے ، اور انسانی حقوق کی خلاف ورزیوں، نہتے عوام پر مظالم اور فرقہ وارانہ تشدد کے خاتمے پر زور دیا۔
6/اگست 2010ئ کو لیہ، لداخ میں شدید بادل پھٹنے اور سیلاب سے ہونے والے نقصانات پر 7/اگست 2010ئ کو صدر جمعیت مولانا قاری سید محمد عثمان منصور پوری نے گہرے رنج و غم کا اظہار کیا۔ 13/ستمبر 2010ئ کو ٹنگمرگ میں چرچ سے وابستہ مشنری اسکول کو نذرِ آتش کیے جانے کی جمعیت نے 14/ستمبر 2010ئ کو سخت مذمت کی۔
جمعیت علمائے ہند نے کشمیر کے حالات پر تشویش کا اظہار کرتے ہوئے 19/ستمبر 2010ئ کی مجلس عاملہ میں کشمیر کانفرنس کے انعقاد کا فیصلہ کیا۔ چنانچہ 10/اکتوبر 2010ئ کو دیوبند میں صدر جمعیت حضرت مولانا قاری سید محمد عثمان منصور پوری کی صدارت میں عظیم الشان کشمیر کانفرنس منعقد ہوئی، جس میں ہزاروں علما اور ملی و سماجی رہنما¶ں نے شرکت کی۔ کانفرنس میں کشمیر میں جاری بدامنی، انسانی جانوں کے ضیاع، گرفتاریوں، انسانی حقوق کی خلاف ورزیوں اور فوجی طاقت کے استعمال پر تشویش ظاہر کرتے ہوئے حکومت سے مطالبہ کیا گیا کہ کشمیری عوام کے جائز جمہوری و دستوری حقوق بحال کیے جائیں، تمام فریقوں سے بامعنی مذاکرات کیے جائیں، عوام کا اعتماد بحال کیا جائے اور طاقت کے بجائے انصاف، گفت و شنید اور جمہوری طریقہ¿ کار اختیار کیا جائے۔
کانفرنس کی قرارداد میں خصوصی طور پر آبادی والے علاقوں سے مسلح افواج کے انخلا، آرمڈ فورسیز اسپیشل پاور ایکٹ اور پبلک سیفٹی ایکٹ کے خاتمے ، انسانی حقوق کی خلاف ورزیوں اور فرضی تصادم کے واقعات کی غیر جانب دارانہ تحقیقات، متاثرین کو انصاف و معاوضہ، لاپتہ افراد کی بازیابی، بلاجواز گرفتار افراد کی رہائی اور مظاہرین کے خلاف مہلک طاقت کے استعمال سے گریز کا مطالبہ کیا گیا۔ ساتھ ہی کشمیری عوام سے بھی پرامن اور جمہوری طریقے اختیار کرنے کی اپیل کی گئی۔ قرارداد میں یہ واضح کیا گیا کہ ہندستان کی سماجی، سیاسی اور جغرافیائی وحدت پر سمجھوتہ نہیں کیا جاسکتا، تاہم کشمیری عوام کے حقوق اور جائز مطالبات کو نظر انداز کرکے پائیدار امن قائم نہیں کیا جاسکتا۔
دیوبند کانفرنس کے بعد 31/اکتوبر 2010ئ کو دہلی کے رام لیلا میدان میں لاکھوں افراد کی شرکت سے کشمیر کانفرنس منعقد کی گئی، جس میں انھی مطالبات کو وسیع پیمانے پر پیش کیا گیا۔ کانفرنس میں مختلف مذہبی، سیاسی اور سماجی حلقوں کے نمائندوں نے کشمیر میں انصاف، انسانی حقوق، مذاکرات اور عوامی اعتماد کی بحالی پر زور دیا۔ صدر جمعیت مولانا قاری سید محمد عثمان منصور پوری نے واضح کیا کہ جمعیت کی جدوجہد کسی ملک، یا قوم کے خلاف نہیں؛ بلکہ ظلم کے خلاف ہے ، اور اس کا مقصد کشمیریوں کی جان، مال اور عزت کا تحفظ ہے۔ انھوں نے دوٹوک الفاظ میں کہا کہ کشمیر بھی ہمارا ہے اور کشمیری بھی ہمارے ہیں۔
19/مئی 2012ئ کے اکتیسویں اجلاس عام میں جمعیت نے اسی موقف کو مزید واضح کرتے ہوئے کہا کہ کشمیر کے مسئلے سے زیادہ توجہ کشمیری عوام کے جمہوری، دستوری، اقتصادی، سماجی اور تعلیمی حقوق پر دی جانی چاہیے۔ حکومت سے مطالبہ کیا گیا کہ کشمیری عوام کے جائز مطالبات دستور کے مطابق تسلیم کیے جائیں، ترقیاتی وعدوں کو پورا کیا جائے ، آبادی والے علاقوں سے مسلح افواج کے انخلا کی کارروائی کی جائے اور آرمڈ فورسیز اسپیشل پاور ایکٹ و پبلک سیفٹی ایکٹ کے خاتمے کی سمت پیش رفت کی جائے۔ جمعیت نے اس بات پر بھی زور دیا کہ امن، جمہوریت اور انصاف ایک دوسرے سے وابستہ ہیں اور عوام کا اعتماد حاصل کیے بغیر حالات میں پائیدار بہتری ممکن نہیں۔
12/دسمبر 2012ئ کی مجلس عاملہ نے کشمیر میں انسانی حقوق کی مبینہ مسلسل خلاف ورزیوں، گرفتاریوں، فرضی تصادم، لاپتہ افراد اور دیگر شکایات پر گہری تشویش ظاہر کرتے ہوئے غیر جانب دارانہ تحقیقات، مجرموں کو سزا، متاثرین کو انصاف و معاوضہ، بے گھر افراد کی واپسی و بازآبادکاری، آبادی والے علاقوں سے فوجی دستوں کے انخلا اور مذکورہ خصوصی قوانین کے خاتمے کا مطالبہ دہرایا۔ جمعیت نے اس کے ساتھ کشمیری عوام کو یقین دلایا کہ ان کے جائز مطالبات اور دکھ درد میں وہ ان کے ساتھ ہے اور ان کے مفادات کو ہندستانی مسلمانوں کے مفادات سے جدا نہیں سمجھتی۔
یکم مئی 2013ئ کو جموں و کشمیر کے بھدرواہ کے قریب 5.7 شدت کا زلزلہ آیا، جس سے ڈوڈہ اور کشتواڑ سمیت متعدد علاقوں میں مکانات اور عمارتوں کو نقصان پہنچا۔ جمعیت علمائے ہند نے 27/مئی 2013ئ کو متاثرین کی صورت حال پر تشویش ظاہر کرتے ہوئے پندرہ لاکھ روپے کی فوری امداد منظور کی اور مولانا حکیم الدین قاسمی کی سربراہی میں وفد کے سروے کے بعد مختلف علاقوں میں بازآبادکاری کا کام شروع کیا۔ ڈوڈہ میں 31574 اور کشتواڑ میں 51912 مکانات متاثر ہوئے ،جب کہ متعدد اسکول، صحت مراکز، مساجد اور مدارس بھی نقصان سے دوچار ہوئے۔
17/جولائی 2013ئ کو رام بن کے گول علاقے میں قرآن کریم کی مبینہ بے حرمتی کے بعد احتجاج ہوا، اور 18/جولائی کو بی ایس ایف کی فائرنگ سے چار افراد ہلاک ہوگئے۔ جمعیت نے 20/جولائی 2013ئ کو قرآن و مسجد کی بے حرمتی اور احتجاج کے دوران شہریوں کی ہلاکت کی مذمت کرتے ہوئے افسوس کا اظہار کیا۔
2 تا 6/ستمبر 2014ئ کو جموں و کشمیر میں تباہ کن سیلاب آیا۔ جمعیت علمائے ہند نے 10/ستمبر 2014ئ کو متاثرین کے لیے فوری امداد کا اعلان کرتے ہوئے پچیس لاکھ روپے فراہم کیے ، 13/ستمبر کو 23 لاکھ روپے کا ضروری سامان دو طیاروں کے ذریعے پہنچایا اور یکم اکتوبر کو صورت حال کے جائزے کے لیے اعلیٰ سطحی وفد بھیجا۔ 2/اکتوبر کو 500 چھوٹے کاروباریوں کی بحالی کی کوشش کی گئی،جب کہ 24/اکتوبر کو مہجور نگر سری نگر میں 66 مکانات اور 17/نومبر کو منصور کالونی میں 68 مکانات تعمیر کرکے متاثرین کے حوالے کیے گئے۔ 24/اکتوبر 2014ئ کو مکانات کی حوالگی کے موقع پر مولانا محمود مدنی نے جمعیت کی امدادی سرگرمیوں کو خدمتِ خلق کی روایت کا تسلسل قرار دیا۔ اس دوران ہزاروں افراد کو محفوظ مقامات تک پہنچانے ، کھانے ، طبی امداد، لنگر، ایمبولنس، پانی، راشن، کپڑے اور دیگر ضروریات کی فراہمی کے ساتھ مساجد کی صفائی اور روزگار کی بحالی کے متعدد اقدامات کیے گئے۔ 17/نومبر 2014ئ کو مزید 68 مکانات متاثرین کے حوالے کیے گئے اور بتایا گیا کہ بازآبادکاری اور دیگر امدادی کاموں پر 9,87,95,000 / روپے خرچ ہوچکے ہیں۔
30/مارچ 2015ئ کو بڈگام کے لیڈن علاقے میں زمین کھسکنے سے تین مکانات ملبے تلے دب گئے اور 15/افراد جاں بحق ہوئے۔ 31/مارچ 2015ئ کو جمعیت نے اظہارِ افسوس کرتے ہوئے مولانا رحمت اللہ کی نگرانی میں راحت رسانی اور تجہیز و تکفین کا کام شروع کیا۔ 9/جون 2015ئ کو سری نگر میں منعقدہ اجلاس میں کشمیر کے مختلف علاقوں میں سیلاب متاثرین کے لیے تعمیر کردہ 560 مکانات حوالے کیے گئے۔ جمعیت کی امدادی مہم کے تحت طبی ٹیم، راشن، آٹو رکشوں، کمبل اور دیگر ضروری اشیا کی فراہمی بھی جاری رہی۔ 6/جولائی 2015ئ کو سیلاب اور زلزلہ متاثرہ علاقوں کے تقریباً 250 مدارس میں ایک کروڑ روپے سے زائد کی امداد تقسیم کی گئی۔
8/جولائی 2016ئ کو برہان وانی کی ہلاکت کے بعد کشمیر میں وسیع پیمانے پر احتجاج اور طویل کرفیو کا سلسلہ شروع ہوا۔ 28/ستمبر 2016ئ کو جمعیت علمائے ہند کی مجلس عاملہ نے انسانی حقوق کی پامالی، جانی و مالی نقصان، بیلٹ گن کے استعمال، گرفتاریوں اور دیگر واقعات پر تشویش ظاہر کرتے ہوئے غیر جانب دارانہ تحقیقات، ذمہ داروں کے خلاف کارروائی، آرمڈ فورسیز اسپیشل پاور ایکٹ اور پبلک سیفٹی ایکٹ کے خاتمے ، جمہوری حقوق کی بحالی اور تمام متعلقہ فریقوں سے بامعنی سیاسی مذاکرات کا مطالبہ کیا۔ ساتھ ہی کشمیری مظاہرین سے بھی پرامن اور جمہوری طریقہ اختیار کرنے اور تشدد سے گریز کی اپیل کی۔
16/مئی 2018ئ کو حکومت ہند نے رمضان کے دوران جموں و کشمیر میں انسدادِ دہشت گردی کی کارروائیاں عارضی طور پر معطل کرنے کا اعلان کیا، جو 17/مئی تا 16/جون جاری رہا۔ جمعیت نے 17/مئی 2018ئ کو اس فیصلے کا خیرمقدم کرتے ہوئے تمام متعلقہ فریقوں سے امن کے قیام میں تعاون کی اپیل کی۔ 15/فروری 2019ئ کو پلوامہ حملے کی مذمت کرتے ہوئے مولانا محمود مدنی نے واضح کیا کہ کشمیر اور کشمیریوں کو ایک دوسرے سے جدا نہیں کیا جاسکتا۔
دفعہ 370 کی رو سے جموں و کشمیر کو ہندستانی آئین کے تحت خصوصی دستوری حیثیت اور محدود خود اختیاری حاصل تھی۔ 5/اگست 2019ئ کو بی جے پی حکومت ہند نے اسے ختم کرنے کا عمل شروع کیا اور 6/اگست 2019ئ سے اس کی دفعات غیر مؤ ثر کردی گئیں۔ حکومت کے مطابق اس کا مقصد جموں و کشمیر کا ہندستان کے ساتھ مکمل دستوری انضمام اور مرکزی قوانین کے یکساں نفاذ کو یقینی بنانا تھا۔
جمعیت علمائے ہند نے اس دفعہ کو ہٹانے پراپنے موقف کا اظہار کیا۔ 22/اگست 2019ئ کو جمعیت کے مرکزی دفتر میں مختلف مسلم جماعتوں اور رہنماں کی مشاورتی مجلس منعقد ہوئی، جس میں دفعہ 370 کے معاملے کو دستوری طریقے سے حل کرنے ، سپریم کورٹ کے فیصلے کا احترام کرنے ، کرفیو اور مواصلاتی پابندیاں ختم کرنے ، طبی و تعلیمی سہولتیں بحال کرنے اور کشمیری عوام کے بنیادی حقوق کے تحفظ پر زور دیا گیا۔ 12/ستمبر 2019ئ کو مجلس منتظمہ نے اپنے دیرینہ موقف کا اعادہ کرتے ہوئے کشمیر کو ہندستان کا اٹوٹ حصہ اور کشمیریوں کو ہم وطن قرار دیا، علاحدگی پسندی کی تائید سے گریز کے ساتھ کشمیریوں کے جمہوری، انسانی اور تہذیبی حقوق کی پاسبانی، امن، دستور کی بالادستی اور کشمیری عوام کے دل جیت کر حالات معمول پر لانے کی اپیل کی۔
12/فروری 2023ئ کو جمعیت علمائے ہند کے چونتیسویں اجلاس عام میں دفعہ 370 کے بعد کشمیر کی صورت حال پر تشویش کا اظہار کرتے ہوئے کشمیریوں کے بنیادی حقوق، تعلیم، ترقی، شناخت اور تہذیبی و ثقافتی حقوق کے تحفظ اور دستور کے مطابق منصفانہ برتا¶ کی اپیل کی گئی۔
5/جون 2024ئ کو سری نگر کے گورنمنٹ میڈیکل کالج میں حضرت محمد ﷺ کے بارے میں مبینہ گستاخانہ پوسٹ کے واقعے کے بعد جمعیت نے 7/جون 2024ئ کو اس کی مذمت کی اور ملزم کے خلاف قانونی کارروائی اور تعلیمی اداروں میں برداشت و باہمی احترام کے فروغ کا مطالبہ کیا۔ 14/جون 2024ئ کو میر واعظ عمر فاروق نے کشمیری پنڈتوں کو اپنے آبائی وطن واپس آنے کی اپیل کی، جس کا 15/جون 2024ئ کو مولانا محمود مدنی نے خیرمقدم کرتے ہوئے اسے باہمی احترام، رواداری اور کشمیریت کے فروغ کی جانب مثبت قدم قرار دیا۔
22/اپریل 2025ئ کو پہلگام کے بیسرن علاقے میں مسلح دہشت گردوں کے حملے میں 26 سیاح ہلاک اور متعدد زخمی ہوئے۔ 23/اپریل 2025ئ کو مولانا محمود مدنی نے اس واقعے کی سخت مذمت کرتے ہوئے بے گناہ انسانوں کے قتل کو انسانیت کے خلاف قرار دیا اور واضح کیا کہ ایسے جرائم کا اسلام کی تعلیمات سے کوئی تعلق نہیں۔ جمعیت نے متاثرہ خاندانوں سے اظہارِ تعزیت کرتے ہوئے امن، بھائی چارے اور رواداری برقرار رکھنے کی اپیل کی۔
